أجمل بوستات ومنشورات دينيه مسيحيه فيس بوك: مكتفاني خطيتي زي الكفن

مكتفاني خطيتي زي الكفن

وفي قلب قبر من الشرور قلبي أندفن

من بره شكلي متبيض ومدهون ألف لون

من جوه مليان بالعفن

فينك يارب

لو كنت ساكن جوه قلبي مكانش مات

ولا كانش عمره هيتملي شر وآفات

يا خسارة العمر إللي فات

وأنا معرفكش ومبكلمكش

مع أني كنت بملي الدنيا كلام

بضحك وعمري ما حسيت بالسلام

بزرع وأعمر بس جوايا خراب

عندي عيون مبيملهاش إلا التراب

آه يارب لو كنت جوه القلب ده موجود

فينك يارب .